تسجيل الدخول
 تصريح وزارة الاعلام غ م 1848
|
05:57 AM
رئيس التحرير : محمد عبدالعزيز إدريس
نائبا رئيس التحرير : د. أريج بنت محمد الشهري
م. أحمد بن عثمان البرتاوي
عاجل

ياللي مواريك بانت من قبل عصرك الموعد أجدب ولا بليته بقطره

2018-06-11 05:15:0720


مشعل الغامدي


كتبها/ مشعل الغامدي
 

صومت ليل اللقاء يا ما احترى فطرك
يتقوّت القهر يا قوه! ويا صبره !

ما بان له خيط شوفك من لظى هجرك
مسكين من يوم يومه يحترى فطره !

وش حاجته غير يفطر شي من تمرك
الخوف لو مات ما راضيته بتمره

عنّه وعن موعده بالله وش عذرك
توعد وترسل غيابك يعلن الحسره

لا تحسب إنه يجي ويروح تحت أمرك
لا خير فيمن يحط الحب من قدره

صحيح هايم / يموتك / ثم يحتضرك 
يشيّع الليل من موعدك لــ قبره

يكسّر الوقت بين إيديه منتظرك
وإثره يكسّر حياته كسرةٍ كسره 

ييأسك / يطوي مكانه / يفترش جمرك
ويمني النفس من بكره إلى بكره

يجمع من الشوق ما يملي وعى هجرك
يا كبر هجرك !! وشوقه بعد يا كثره !!

لكن مع كل هذا نيته يترك
الليل وكِسار عمره فيك منتثره

الليل والوعد وأنا ( جعلنا حشرك )
أجرمت فينا ولكن كل شئ بأجره

 

الرابط المختصر :

اضافة تعليق